கோவை, அக்.13: கோவை மாநகராட்சியின் சாதாரணக் கூட்டம் நடைபெற்ற நிலையில், அடிப்படை வசதிகள் முறையாகச் செய்யப்படவில்லை எனக் குற்றம்சாட்டி, அதிமுக மாமன்ற உறுப்பினர்கள் ஆர். பிரபாகரன், ரமேஷ் ஆகியோர் அரிக்கேன் விளக்குடன் ஆர்ப்பாட்டத்தில் ஈடுபட்டனர்.
கடந்த நான்கு மாதங்களாக மாநகராட்சியில் அடிப்படை வசதிகள் மேம்படுத்தப்படவில்லை என்றும், பழுதடைந்த தெருவிளக்குகளைக்கூட மாற்ற நடவடிக்கை எடுக்கவில்லை என்றும் ஆர். பிரபாகரன் குற்றம்சாட்டினார்.
மேலும், மாநகராட்சிக்குத் தேவையான நிதியை அரசு விரைந்து வழங்க வேண்டும் என்றும், பணிகளுக்கான ஒப்பந்த நடைமுறைகளில் நிலவும் தாமதங்களைத் தவிர்த்து, பொதுமக்களின் அடிப்படைப் பிரச்சினைகளுக்குத் தீர்வு காண வேண்டும் என்றும் வலியுறுத்தினார்.
