கோவை அவிநாசி சாலை லட்சுமி மில்ஸ் அருகே ஆந்திராவைச் சேர்ந்த நகை வியாபாரியிடம் ரூ.1.06 கோடி ரொக்கம் இருந்த பையைப் பறித்த 4 பேர் கும்பலை, உளுந்தூர்பேட்டை அருகே போலீசார் மடக்கிப் பிடித்தனர்.
நகைகள் வாங்க கோவை வந்த ரங்கசாமி, பேருந்து நிறுத்தம் அருகே நின்று தொலைபேசியில் பேசிக்கொண்டிருந்தபோது, காரில் வந்த கும்பல் பணப்பையைப் பறித்துக்கொண்டு தப்பியது. புகாரையடுத்து தனிப்படை போலீசார் சிசிடிவி கேமராக்கள் மூலம் காரை கண்காணித்தனர்.
உளுந்தூர்பேட்டை சுங்கச்சாவடி அருகே காரை மடக்கிய போலீசார், அதிலிருந்த 4 பேரை கைது செய்து ரூ.1.06 கோடி பணத்தையும் மீட்டனர். தொடர்ந்து விசாரணை நடைபெற்று வருகிறது.
