மேற்கு தொடர்ச்சி மலை பகுதியில் சமீபத்தில் பெய்த மழையின் காரணமாக வறண்டு கிடந்த நிலப்பரப்புகள் மீண்டும் பசுமைக்கு திரும்பி வருகின்றன. இந்நிலையில், கோவை மேற்கு தொடர்ச்சி மலைப்பகுதியில் சிறுத்தைகள் நடமாடும் காட்சிகள் வெளியாகி உள்ளன.
வனப்பகுதியில் இயற்கையான சூழல் மீண்டும் உருவாகி வரும் நிலையில் வன உயிரினங்களின் நடமாட்டமும் அதிகரித்து வருவது இயற்கை ஆர்வலர்களின் கவனத்தை ஈர்த்துள்ளது.
இந்த சிறுத்தைகள் உலா வரும் காட்சிகளை புகைப்பட கலைஞர் ராஜ்குமார் நாராயணசாமி தனது கேமராவில் பதிவு செய்து சமூக வலை தளங்களில் வெளியிட்டுள்ளார். இந்த படங்கள் வைரலாகி வருகிறது.
