காரமடை வனச்சரகத்தை ஒட்டியுள்ள வெள்ளியங்காடு பகுதியில் வனவிலங்குகள் அடிக்கடி உலா வருகின்றன. தற்போது வனப்பகுதிகளில் வறட்சி நிலவுவதால், உணவு, தண்ணீர் தேடி யானைகள் உள்ளிட்ட வனவிலங்குகள் வெளியேறி வருகின்றன. இந்நிலையில், குட்டையில் குளித்துக் கொண்டிருந்த யானைகளை பொதுமக்கள் சப்தமிட்டு விரட்ட முயன்றனர்.
பின்னர் அவை அருகிலுள்ள விளைநிலங்களுக்குள் புகுந்து பயிர்களை சேதப்படுத்திவிட்டு வனப்பகுதிக்குள் சென்றன. யானைகள் குளித்ததை விவசாயி ஒருவர் செல்போனில் வீடியோவாக பதிவு செய்து சமூக வலைதளங்களில் வெளியிட்டுள்ளார்.
