கோவை நவக்கரை அருகே மலேசிய சுற்றுலா பயணிகள் மீது அரிவாளால் தாக்குதல் நடத்தப்பட்ட சம்பவத்தில், சிவகங்கை மாவட்டம் ராமநாதபுரத்தைச் சேர்ந்த இளைஞரை போலீசார் பிடித்துள்ளனர்.
மலேசியாவைச் சேர்ந்த லோகநாதன் (52), அவரது மகன் யுகேந்திரன் (21) உள்ளிட்ட 10 பேர் சுற்றுலா வந்திருந்தனர். கடந்த 2-ம் தேதி கேரளாவில் இருந்து சென்னை திரும்பியபோது, நவக்கரை அருகே ஏற்பட்ட தகராறில் இருவரும் அரிவாளால் தாக்கப்பட்டனர். பின்னர் மர்ம நபர்கள் வேனை துரத்தியதில், மதுக்கரை பகுதியில் வேன் விபத்துக்குள்ளானது. இச்சம்பவம் தொடர்பாக மதுக்கரை, க.க.சாவடி போலீசார் வழக்குப்பதிவு செய்துள்ளனர். இந்நிலையில் தாக்குதல் நடத்திய ஆகாஷை கோவைக்கு அழைத்து வந்த தனிப்படை போலீசார், அவரிடம் தீவிர விசாரணை நடத்தி வருகின்றனர்.
