கோவையில் கள்ளநோட்டுகளைப் புழக்கத்தில் விட முயன்றதாக 2 கல்லூரி மாணவர்கள் உட்பட 5 பேரை பெரிய கடைவீதி போலீசார் கைது செய்தனர்.
செல்வபுரம் பைபாஸ் சாலையில் உள்ள மதுபானக் கூடத்தில் 500 ரூபாய் நோட்டுகளைக் கொடுத்தபோது சந்தேகமடைந்த ஊழியர்கள் போலீசாருக்கு தகவல் தெரிவித்தனர். விசாரணையில், கரும்புக்கடையைச் சேர்ந்த அக்தர் பர்வேஷ் (21), ஆபில் (20), யாயூ லியாஸ் (19), ஷாகித் (19), முகமது இர்பான் (18) ஆகியோர் என்பது தெரியவந்தது.
அவர்களிடமிருந்து 500 ரூபாய் மதிப்பிலான 372 கள்ளநோட்டுகள், மொத்தம் ₹1.86 லட்சம் பறிமுதல் செய்யப்பட்டன. கள்ளநோட்டுகளை அச்சடிக்க உதவியதாகக் கூறப்படும் முகேஷ் குமாரை போலீசார் தேடி வருகின்றனர்.
