கோவை: லகு உத்யோக் பாரதி சார்பில் ‘எம்எஸ்எம்இ சங்கமம் கனெக்ட்’ தொழில்துறை நிகழ்ச்சி ஓசூரில் வரும் 18, 19-ம் தேதிகளில் நடைபெறுகிறது. இதில் தென்னிந்தியாவைச் சேர்ந்த உற்பத்தி நிறுவனங்கள், அரசு நிறுவனங்கள் என 600-க்கும் மேற்பட்ட அரங்குகள் அமைக்கப்பட உள்ளன.
இதன்மூலம் சுமார் ரூ.2,000 கோடி அளவுக்கு வர்த்தகம் நடைபெற வாய்ப்புள்ளதாக அமைப்பின் மாநில பொதுச்செயலாளர் கல்யாணசுந்தரம் தெரிவித்தார். மத்திய அமைச்சர்கள் நிகழ்ச்சியை தொடங்கி வைக்க உள்ளனர். மேலும், அரசு ‘ஜெம்’ இணையதள பதிவு மற்றும் செயல்பாடுகள் குறித்தும் தொழில் துறையினருக்கு விளக்கம் அளிக்கப்பட உள்ளது.
ராணுவத்துக்கான இயந்திர உற்பத்தியில் ஈடுபடும் கோவை நிறுவனங்களும் இதில் பங்கேற்க உள்ளன.
