கோவை அவினாசி சாலை சுகுணா கல்யாண மண்டபத்தில் செப்.12, 13-ம் தேதிகளில் பெண்கள் மற்றும் பழங்குடியினர் வாழ்வாதாரக் கண்காட்சி நடைபெறுகிறது.
பெண்களின் திறமைகள், தயாரிப்புகள் மற்றும் பழங்குடியினரின் பாரம்பரிய கலை, கைவினைப் பொருட்களை காட்சிப்படுத்தி, அவர்களின் பொருளாதார மேம்பாட்டை ஊக்குவிக்கும் வகையில் கண்காட்சி ஏற்பாடு செய்யப்பட்டுள்ளது.
இதில் பெண்கள் மற்றும் பழங்குடியினர் தங்கள் தயாரிப்புகளை காட்சிப்படுத்த உள்ளனர். பொதுமக்கள் திரளாக பங்கேற்று அவர்களை ஊக்குவிக்க வேண்டும் என சிவா அறக்கட்டளை தலைவர் சுப்ரமணியன் சிவா, ஒருங்கிணைப்பாளர் சிலுவை ஆகியோர் கேட்டுக்கொண்டனர்.
