மனிதர்களை விண்வெளிக்கு அனுப்புவதற்கு முன், 3 முறை ஆளில்லா சோதனை மேற்கொள்ளப்படும் என இஸ்ரோ ஐ.பி.ஆர்.எஸ்., இயக்குனர் நாராயணன் அப்பு தெரிவித்தார்.
கோவை கிருஷ்ணா பொறியியல் கல்லூரியில் இஸ்ரோ சார்பில் 3 நாள் விண்வெளிக் கண்காட்சி நேற்று துவங்கியது. ராக்கெட், விண்கலம், செயற்கைக்கோள் மாதிரிகள் இடம்பெற்றுள்ளன. 30க்கும் மேற்பட்ட அரங்குகள் அமைக்கப்பட்டுள்ளன.
நிகழ்ச்சியில் பேசிய நாராயணன் அப்பு, 2028ல் இந்தியரை விண்வெளிக்கு அனுப்பும் பணிகள் நடந்து வருவதாகவும், குலசேகரப்பட்டினம் ஏவுதளப் பணிகள் அடுத்த ஆண்டுக்குள் நிறைவடையும் என்றும் தெரிவித்தார். 2047க்குள் இந்தியரை நிலவுக்கு அழைத்துச் சென்று திரும்ப அழைத்து வருவதே இலக்கு என்றும் கூறினார்.
