கோவை: வேகமாக வளர்ந்து வரும் கோயம்புத்தூரின் எதிர்கால தேவையை கருத்தில் கொண்டு, ஒரே ரயில் நிலையத்தை மட்டுமே நம்பியிருக்க முடியாது. கோயம்புத்தூர் வடக்கு, சென்ட்ரல், கிழக்கு–இருகூர், தெற்கு–போத்தனூர் சந்திப்பு என நான்கு நிலையங்களையும் ஒருங்கிணைந்த ரயில் வலையமைப்பாக மேம்படுத்த வேண்டும்.
வடக்கு நிலையத்தில் குறைந்தபட்சம் 5 நடைமேடைகள் அமைத்து, கூடுதல் ரயில்கள் இயக்க வேண்டும். போத்தனூர் சந்திப்புக்கு கோயம்புத்தூர் தெற்கு–போத்தனூர் என பெயர் மாற்றம் செய்வதுடன், நஞ்சுண்டாபுரம் அணுகுசாலையை திறக்க வேண்டும். சென்ட்ரல் நிலையத்தில் கூடுதல் நடைமேடைகள் மற்றும் விரிவாக்க வசதிகள் ஏற்படுத்த வேண்டும். இருகூர் சந்திப்பில் பயணிகள் வசதிகளை மேம்படுத்த வேண்டும்.
நான்கு நிலையங்களையும் இணைத்து அதிக ரயில் சேவைகள் இயக்கப்பட வேண்டும். இது வருவாய்க்காக மட்டுமல்ல; கோயம்புத்தூரின் எதிர்கால வளர்ச்சிக்கான அவசியம்.
