பல்வேறு கோரிக்கைகளை வலியுறுத்தி அனைத்திந்திய வங்கி ஊழியர் சங்கம் சார்பில் நாடு தழுவிய வேலைநிறுத்தம் நடைபெற்றது. கோவை ரயில் நிலையம் எதிரே உள்ள பேங்க் ஆப் பரோடா கிளை முன்பு நடைபெற்ற போராட்டத்தில் 500-க்கும் மேற்பட்டோர் பங்கேற்றனர்.
வங்கிகளின் லாபத்தில் உரிய பங்கு வழங்க வேண்டும், செயல்திறன் ஊக்கத்தொகையை உடனடியாக வழங்க வேண்டும், 5 நாள் வேலைத் திட்டத்தை அமல்படுத்த வேண்டும், வங்கிப் பணிகளில் வெளி ஆட்களை அனுமதிக்கக் கூடாது, தற்காலிக ஊழியர்களை பணி நிரந்தரம் செய்ய வேண்டும், ஊழியர்களின் பாதுகாப்பை உறுதி செய்ய வேண்டும், பழைய ஓய்வூதியத் திட்டத்தை அமல்படுத்த வேண்டும் உள்ளிட்ட கோரிக்கைகளை வலியுறுத்தி முழக்கங்கள் எழுப்பினர்.
