கோவை,அக்.28:வைசியாள் வீதியில் உள்ள ஸ்நாக்ஸ் கடையில், வாடிக்கையாளர் போல வந்த மர்ம நபர், ஊழியரின் செல்போனைத் திருடிச் சென்ற சம்பவம் அதிர்ச்சியை ஏற்படுத்தியுள்ளது.
கடையில் ஸ்நாக்ஸ் வாங்க வந்த அந்த நபர், பொருட்களைப் பேக் செய்யும் ஊழியரிடம் பேச்சுக் கொடுத்துள்ளார். அப்போது, மேசையில் இருந்த செல்போனைத் தனது பையில் தந்திரமாகப் போட்டு எடுத்துக்கொண்டு அங்கிருந்து நழுவிச் சென்றுள்ளார்.
சிறிது நேரம் கழித்து செல்போனைக் காணாமல் தேடிய ஊழியர், சிசிடிவி காட்சிகளை ஆய்வு செய்தபோது திருட்டு நடந்தது தெரியவந்தது. தற்போது, இந்தச் சம்பவத்தின் சிசிடிவி காட்சிகள் சமூக வலைதளங்களில் பரவி வருகின்றன.
