கோவை துடியலூர் அருகே நள்ளிரவில் மனநலம் பாதிக்கப்பட்ட பெண்ணை மானபங்கம் செய்ய முயன்ற போதை இளைஞரை, அங்கிருந்த நாய்கள் கடித்து துரத்தி பெண்ணை காப்பாற்றிய சம்பவம் அதிர்ச்சியை ஏற்படுத்தியுள்ளது.
அசோகபுரம் பகுதியில் பெட்டிக்கடைக்கு தீ வைத்த சம்பவம் தொடர்பாக போலீசார் சி.சி.டி.வி. காட்சிகளை ஆய்வு செய்தபோது, இந்த சம்பவமும் பதிவாகியிருந்தது தெரியவந்தது.
பெண்ணிடம் அத்துமீற முயன்ற இளைஞரை நாய்கள் பாய்ந்து கடித்து விரட்டியதால், அவர் அங்கிருந்து தப்பியோடினார்.
சி.சி.டி.வி. காட்சிகளின் அடிப்படையில் விசாரணை நடத்திய துடியலூர் போலீசார், ஒருவரிடம் விசாரணை மேற்கொண்டு வருகின்றனர்.
