தமிழக வெற்றிக் கழகத்தின் பிரதமர் வேட்பாளர் விஜய் என கூறப்படுவது அக்கட்சித் தொண்டர்களின் மனநிலை என விடுதலை சிறுத்தைகள் கட்சித் தலைவர் தொல். திருமாவளவன் தெரிவித்துள்ளார்.
கோவை விமான நிலையத்தில் செய்தியாளர்களிடம் பேசிய அவர், ஆணவக் கொலை தடுப்பு சட்டத்தை கொண்டு வருவதற்கான சூழல் கனிந்துள்ளதாகவும், நீதிமன்ற உத்தரவின்படி மசோதா வரையறுக்கப்படும் என சட்டப்பேரவையில் அறிவிக்கப்பட்டிருப்பது மகிழ்ச்சி அளிப்பதாகவும் கூறினார்.
தமிழக வெற்றிக் கழகத்தின் கூட்டணி தொடர்பான ஆலோசனைக் கூட்டம் நடைபெற்று வருவதாகவும், கூட்டத்தில் எடுக்கப்படும் முடிவுகள் பின்னர் தெரியவரும் என்றும் தெரிவித்தார்.
விஜய் பிரதமர் வேட்பாளர் என தமிழக வெற்றிக் கழகத்தின் அதிகாரப்பூர்வ நிலைப்பாடு இதுவரை வெளியாகவில்லை. தொண்டர்களின் மனநிலை மட்டுமே அவ்வாறு உள்ளது. 2029 நாடாளுமன்றத் தேர்தல் நேரத்தில் பிரதமர் வேட்பாளர் குறித்து பேசுவோம் என திருமாவளவன் தெரிவித்தார்.
